§ 1.Navn og heimstaður

 

Føroya Psoriasis Felag. Tórshavn

 

 

§ 2. Endamál felagsins er:

 

1. At veita upplýsing um psoriasis
2. At finna hóskandi arbeiði og hóskandi frítíðarítriv til Psoriasis sjúklingar
3. At fremja samarbeiði við avvarðandi stovnar, læknar og onnur, ið hava við Psoriasis sjúklingar at gera.
4. At veita upplýsing um viðgerðarmøguleikar
5. At arbeiða fyri ókeypis smyrsli og øðrum til Psoriasis
6. At skipa fyri ferðum til Ísrael og íslands.
7. At samarbeiða við Psoriasis feløg á norrønum og atljóðastigi

 

 

§ 3 Limir

 

Einstaklingar, hjún, feløg og stovnar kunnu gerast limir

Um limaskapur verður uppsagdur má hetta gerast við einum mánað ávaring, ið so verður at rokna frá rokskaparársins enda.

 

§ 4 Limagjald

 

Limagjald verður ásett á aðalfundinum.

Felagið tekur ímóti møguligum stuðli frá einstaklingum, stovnum og tí almenna.

 

§ 5 Aðalfundurin

 

Aðalfundurin er hægsti myndugleiki. Aðalfundurin verður at halda í januar mánað.

Eykaaðalfundur verður at halda , tá 1/3 av limunum ella ein meiriluti av nevndini ynskir tað.

Kallað verður inn til aðalfund 14 dagar frammanundan, og skal hetta lýsast í føroysku bløðunum. Á sama hátt verður kallað inn til eykaaðalfund. Um neyðugt kann undantak gerast og kallast inn til eykaaðalfund við styttri ávaring, tó ikki stytri enn við einum degi.

Uppskot til aðalfundin skulu verða nevndini í hendi 14 dagar áðrenn aðalfundin.

 

Aðalfundurin viðger hesi mál:

1. Val av orðstýrara
2. Grannskoðaðan roknskap fyri seinasta rakstrarár felagsins til góðkenningar
3. Ársfrágreiðing formansins
4. Arbeiðsætlan fyri komandi ár
5. Limagjald fyri komandi ár
6. Nevndarval
7. Val av grannskoðara
8. Ymiskt.

 

 

§ 6 Nevndin

 

Felagið verður stýrt av eini 5-mannanevnd við 2 tiltakslimum vald á ársaðalfundinum.

Nevndin skipar seg sjálv við formanni, næstformanni, kassameistara, skrivara. Til at binda felagið krevst undirskrivt frá formanni og kassameistara. Við keyp, sølu ella veðseting av møguligari fastari ogn krevst nevndarsamtykt og undirskrift við komandi skjøl frá minst 3 nevndarlimum.

Gerðabók verður førd yvir tað, sum fer fram á fundum.

2 nevndarlimir og 1 tiltakslimur fara frá á fyrsta aðalfundi, á næsta fundi hinir 3 nevndarlimirnir og hin tiltakslimurin. Nevndar og tiltakslimir kunnu veljast aftur.

Hildnir verða minst 6 nevndarfundir og minst 1 limafundur árliga.

 

§ 7 Roknskapur

 

Roknskaparár felaginss er ámanakkaárið.

Ársroknskapur felagsins verður á hvørjum ári at grannskoða av eium statsgóðkendum grannskoðara.

 

§ 8 Granskingargrunnur

 

Granskingargrunnur verður settur á stovn, hvørs endamál verður at útvega pening til gransking av psoriasis.

Nevndin ger viðtøkur fyri grunnin og velur 3 limir at umsita hann. Viðtøkurnar skulu góðkennast av aðalfundinum.

 

§ 9 Lógarbroyting

 

Uppskot um lógarbroyting skulu vera nevndini í hendi 4 vikur áðrenn aðalfund.

Til at samtykka lógarbroyting krevst at minst 2/3 av møttu limunum atkvøða fyri hesum.

 

§ 10 Avtøka av felagnum

 

Um felagið ynskist avtikið kann hetta fara fram á aðalfundi ella eykaaðalfundi, og mugu tá 2/3 av uppmøttu limunum atkvøða fyri hesum á 2 fylgjandi aðalfundum.

 

Soleiðis samtykt á stovnandi aðalfundi felagsins í Tórshavn 3. mars 1985.